काठमाडौँ – कल्पना गर्नुहोस्, तपाईं घरमा एक्लै हुनुहुन्छ र अचानक छातीमा चर्को पीडा, पसिना, बम्किएको श्वास तथा कमजोरी महसुस हुँदैछ — यी सबै हृदयघात (Heart Attack) का प्रारम्भिक लक्षण हुन्।

एक्लै हुँदा हृदयघातको अवस्था झन् गम्भीर हुन्छ। यस्तो अवस्थामा, आफूलाई बचाउन तुरुन्तै सही कदम चाल्नु धेरै महत्त्वपूर्ण छ र प्रत्येक सेकेन्ड बहुमूल्य छ।

हृदयरोग विशेषज्ञहरू भन्छन्– समयमै लिएको सही निर्णयले ज्यान बचाउन सकिन्छ। यहाँ उनीहरूले सुझाएका ५ महत्वपूर्ण उपायहरू प्रस्तुत छन्:

यस्तो अवस्थामा सहयोगी कोही छैन भने के गर्ने ?

१. सर्वप्रथम एम्बुलेन्स बोलाउनुहोस्
१०२ वा १०३ नम्बरमा फोन गरेर एम्बुलेन्स बोलाउनुहोस्।

यदि सम्भव छ भने छरछिमेक वा आफन्तलाई तुरुन्त जानकारी दिनुहोस्।

२. एस्प्रिन चपाएर निल्नुहोस् (यदि उपलब्ध छ भने)
चिकित्सकहरूको अनुसार, ३०० मि.ग्रा. को एक एस्प्रिन ट्याब्लेट चपाएर निल्दा रगत जम्न नदिई धमनी खुला राख्न सहयोग पुर्‍याउँछ।

तर, एस्प्रिनप्रति एलर्जी छ भने सेवन नगर्नुहोस्।

३. बस्ने प्रयास गर्नुहोस्, लडेमा चोट हुन सक्छ
पलङ वा भुइँमा सिधा ढाड लगाएर बस्ने प्रयास गर्नुहोस्।
बायाँ छातीको भाग तन्काउने गरी ढाड टेकेर श्वास स्थिर राख्ने अभ्यास गर्नुहोस्।

४. डीप ब्रीथिङ (गहिरो सास फेर्ने) गर्न सुरु गर्नुहोस्
गहिरो सास लिनुहोस् र विस्तारै छोड्नुहोस्।
यसले मुटुको लयलाई केही हदसम्म स्थिर राख्न सक्छ।

५. मोबाइल हातमै राख्नुहोस्
बचाउ टोली आउँदा तुरुन्त जानकारी दिन सक्ने स्थितिमा रहनुहोस्।

यदि होस गुम्न लाग्दैछ भने मोबाइलमा आपतकालीन नम्बर (Emergency Contact) राखिएको सुनिश्चित गर्नुहोस्।