काठमाडौँ – लोकप्रिय मेसेजिङ एप ह्वाट्सएपले आफ्नो प्रयोगकर्ताहरूका लागि नयाँ सुविधा ल्याउने तयारी गरेको छ। यस सुविधाअन्तर्गत अब प्रयोगकर्ताहरूले आफ्नो प्रोफाइल फोटो इन्स्टाग्राम र फेसबुकबाट सिधै ह्वाट्सएपमा अपलोड गर्न सक्नेछन्।

हाल Android को बीटा संस्करणमा परीक्षण भइरहेको यो सुविधा चाँडै सबै प्रयोगकर्ताका लागि उपलब्ध गराइने छ। यसले फोटो अपडेट गर्ने प्रक्रिया निकै सजिलो र छिटो बनाउनेछ।

सुविधा कसरी काम गर्छ ?

यो सुविधा सक्रिय गर्नका लागि प्रयोगकर्ताले आफ्नो ह्वाट्सएप, फेसबुक र इन्स्टाग्राम खातालाई मेटा कम्पनीको ‘Accounts Centre’ मार्फत जोड्नुपर्नेछ। त्यसपछि:

ह्वाट्सएपमा प्रोफाइल फोटो परिवर्तन गर्दा ‘Instagram’ वा ‘Facebook’ बाट फोटो आयात गर्ने विकल्प देखिनेछ।

त्यहाँबाट आफ्नो मनपर्ने फोटो छानेर सिधै प्रोफाइल फोटो बनाउन सकिनेछ।

यसले बारम्बार अलग-अलग एपमा फोटो राख्ने झन्झटबाट बचाउनेछ।

किन महत्वपूर्ण छ यो सुविधा ?

फेसबुक र इन्स्टाग्राममा पहिले नै प्रयोग गरिएको प्रोफाइल फोटो सजिलै ह्वाट्सएपमा अपडेट गर्न सकिने छ।

प्रयोगकर्ताले पटक–पटक फोटो अपलोड गर्नुपर्ने झन्झटबाट छुटकारा पाउनेछन्।

फोटोको गुणस्तर पनि कायम रहने अपेक्षा गरिएको छ।

कहिले उपलब्ध हुन्छ ?

यो सुविधा हाल एन्ड्रोइड बीटा संस्करणमा परीक्षणको क्रममा छ र केही महिनाभित्र नै सबै प्रयोगकर्ताका लागि खुला गरिने मेटाले जनाएको छ। आइओएस प्रयोगकर्ताका लागि समेत चाँडै उपलब्ध गराउने योजना रहेको छ।

ह्वाट्सएपको यो नयाँ सुविधा प्रयोगकर्ताको अनुभवलाई अझ सहज र स्मार्ट बनाउने विश्वास गरिएको छ। मेटाले आफ्नो विभिन्न प्लेटफर्महरूलाई अझ नजिक ल्याउने रणनीतिअन्तर्गत यस्तो नयाँ सुविधा ल्याएको हो। प्रयोगकर्ताले चाँडै यो सुविधा पाउने सम्भावना भएकाले अपडेटहरूको लागि सतर्क रहनुपर्ने सुझाव दिइएको छ।