काठमाडौँ – वर्षको बहुप्रतिक्षित फिल्म ‘किङडम’ जुलाई ३१ मा विश्वभरका थिएटरहरूमा रिलिज भएको छ। विजय देवेराकोन्डा अभिनीत यो जासूसी-एक्शन ड्रामा दर्शक तथा समीक्षकबाट सकारात्मक प्रतिक्रिया पाएको छ।

प्रारम्भिक ट्रेन्ड रिपोर्ट अनुसार, ‘किङडम’ ले रिलिजको पहिलो दिनमा १५.५० करोड रुपैयाँ कमाएको छ। यससँगै यो विजयको करियरको दोस्रो ठूलो ओपनर फिल्म बनेको छ। उनका सबैभन्दा ठूलो ओपनर ‘लिगर’ ले १५.९५ करोड कमाएको थियो।

फिल्ममा विजय देवेराकोन्डाले एक हवल्दारको भूमिका निभाएका छन्, जसले गुप्त मिशनमा जाने गर्छन्। गौतम तिन्नानूरीले निर्देशन गरेको यो फिल्ममा भाग्यश्री बोर्से, सत्य देव र अयप्पा पी शर्मा पनि मुख्य भूमिकामा छन्। अनिरुद्ध रविचन्द्रको संगीत र पृष्ठभूमि स्कोरले फिल्मलाई थप आकर्षक बनाएको छ।

यद्यपि फिल्मको दोस्रो भागले मिश्रित समीक्षा पाएको छ, ‘किङडम’ ले समग्रमा दर्शकहरूको मन जित्न सफल भएको छ। सामाजिक सञ्जालमा पनि फिल्मको प्रशंसा व्यापक रुपमा भइरहेको छ।

बक्स अफिसमा ‘किङडम’ ले आफ्नो स्थिति कसरी कायम राख्छ भन्ने विषयमा आगामी दिनहरूमा थप जानकारी आउँनेछ।