काठमाडौँ – पानी हाम्रो जीवनको अनिवार्य आवश्यकता हो। तर, पानी पिउने धेरै मानिसहरूले सामान्य गल्ती गर्दै आएका छन् जसले स्वास्थ्यमा नकारात्मक प्रभाव पार्न सक्छ। विज्ञहरूको अनुसार, करिब ९० प्रतिशत मानिसहरूले पानी पिउँदा गलत तरिका अपनाउँछन् जसले शरीरलाई पानीको पूर्ण लाभ लिनबाट रोक्छ।

स्वास्थ्य विशेषज्ञहरू बताउँछन्, पानी छिटो र उभिएर पिउनु राम्रो अभ्यास होइन। यसले पाचन प्रणाली र मिर्गौलामा दबाब पर्न सक्छ र शरीरलाई आवश्यक मात्रामा हाइड्रेटेड बनाउन सक्दैन। आयुर्वेद र आधुनिक विज्ञान दुबैले पानी सधैं बसी आरामसँग र बिस्तारै घुट्कीमा पिउन सुझाव दिएका छन्। यसरी पिउँदा शरीरले पानीलाई राम्रोसँग अवशोषण गर्न सक्छ।

बिहान उठेपछि खाली पेट मनतातो पानी पिउनाले शरीरलाई विषाक्त पदार्थबाट मुक्त पार्ने र चयापचय सक्रिय बनाउने उल्लेखनीय फाइदा हुन्छ। साथै, यसले छालालाई स्वस्थ र चम्किलो बनाउँछ।

त्यसैगरी, खाना खाएपछि तुरुन्तै पानी पिउनु हानिकारक हुन्छ। यसले पाचन रस पातलो पारेर खाना राम्रोसँग पच्न नदिने समस्या उत्पन्न गर्दछ। चिकित्सकहरूले सुझाव दिन्छन् कि खाना खाएपछि कम्तिमा ३० मिनेट पर्खेर पानी पिउनु उचित हुन्छ।

सही तरिकाले पानी पिउँदा कब्जियत कम हुन्छ, छाला स्वस्थ रहन्छ, ऊर्जा स्तर बढ्छ र मिर्गौला पनि स्वस्थ रहन्छ। यसरी पानी पिउनाले शरीरको प्रतिरक्षा प्रणाली बलियो बन्ने चिकित्सकहरूको भनाइ छ।

यसो भए, तपाईं पनि आफ्नो पानी पिउने तरिका सुधारेर स्वास्थ्यमा सकारात्मक परिवर्तन ल्याउन सक्नुहुन्छ।