वेलिंग्टन – विश्व प्रसिद्ध फिल्म निर्माता जेम्स क्यामरुनलाई न्यूजिल्याण्ड सरकारले बुधबार साँझ नागरिकता प्रदान गरेको छ। ‘टाइटानिक’, ‘अवतार’ लगायतका ब्लकबस्टर फिल्मका निर्देशक क्यामरुनले वेलिंग्टनस्थित ते पापा संग्रहालयमा आयोजित औपचारिक समारोहमा नागरिकता ग्रहण गरेका हुन्।

क्यानडामा जन्मिएका क्यामरुन सन् २०१२ देखि न्यूजिल्याण्डमा नियमित रूपमा बस्दै आएका छन्। ‘अवतार’ को केही भाग यहाँ छायांकन गरेपछि उनले वैरारापामा जग्गा खरिद गरेका थिए। हाल उनी ‘अवतार’ सिरिजको तेस्रो भाग ‘फायर एण्ड एस’ को पोस्ट-प्रोडक्सनमा लागिरहेका छन्, जुन यस वर्षको अन्त्यतिर रिलिज हुने योजना छ।

न्यूजिल्याण्डका आन्तरिक मामिलामन्त्री ब्रुक भ्यान भेल्डेनले क्यामरुनलाई नागरिकता दिनुलाई देशका लागि गौरवको विषय भएको बताएका छन्। उनले भने, “विश्वभरका धेरै मानिसहरूले न्यूजिल्याण्डलाई आफ्नो घर बनाउँछन्, र हामी क्यामरुनलाई हाम्रो परिवारमा स्वागत गर्दछौं।”

क्यामरुनको नागरिकता सबै मन्त्रीहरूको सर्वसम्मतिले अनुमोदित भएको छ। अब उनले आधिकारिक रूपमा न्यूजिल्याण्डको ‘किवी’ नागरिकको रूपमा आफ्नो जीवन बिताउनेछन्।