काठमाडौँ। आईसीसी टी–२० विश्वकप एशिया तथा इस्ट एशिया प्यासिफिक छनोटअघिको दोस्रो टी–२० अभ्यास खेलमा नेपाली क्रिकेट टोलीले कतारलाई १ सय ७१ रनको लक्ष्य दिएको छ ।

ओमानमा टस जितेर ब्याटिङ गरेको नेपालले २० ओभरमा ७ विकेट गुमाएर १ सय ७० रन बनायो । नेपालका कुशल भुर्तेलले ५६ तथा दीपेन्द्रसिंह ऐरी र कुशल मल्लले समान ३८ रन बनाए । कतारका शारिक मुनीर र मुहम्मद इक्रामुल्लाहले समान २ विकेट लिए ।

यसअघि अस्ति भएको पहिलो टी–२० अभ्यास खेलमा नेपालले घरेलु टोली ओमानलाई ६ विकेटले हराएको थियो ।