काठमाडौं- नेपालले आईसीसी विश्वकप लिग–२ अन्तर्गत नामिबियासँगको खेलमा टस हारेर पहिला ब्याटिङ गर्ने भएको छ । कीर्तिपुरस्थित टीयू क्रिकेट मैदानमा टस जितेर नामिबियाले पहिले फिल्डिङ गर्ने निर्णय गरेसँगै नेपाल ब्याटिङमा उत्रन लागेको हो ।

खेलमा नेपालले एक परिवर्तन गरेको छ । गुलशन झाको ठाउँमा करण केसी टिममा फर्केका छन् ।

यसअघि नामिबियाले पहिलो खेलमा नेपाललाई ४ विकेटले पराजित गरेको थियो । दोस्रो खेलमा नेपालले नेदरल्यान्ड्सलाई ९ विकेटले पराजित गरेको थियो ।