काठमाडौँ – चर्चित पपगायक संजयकिशोर श्रेष्ठले संगीतमा पुनरागमन गरेका छन् । उनको पछिल्लो गीत ‘तिमीजस्तै’ शुक्रबार सार्वजनिक भएको हो ।

जमलस्थित विश्वज्योति हलमा पत्रकार सम्मेलन गर्दै उनले आफू लामो समयपछि गायनमा फर्किएको बताए । उनले सार्वजनिक गरेको गीतमा जेम्स प्रधानको शब्द र सङ्गीत छ भने गीतको भिडियो पनि जेम्सले नै निर्देशन गरेका हुन् ।

भिडियोमा गायक श्रेष्ठ देखिएका छन् । लामो समय विदेश बसेर फर्किएका संजयको भेट जेम्ससँग भएपछि पुनः सहकार्य जुटेको हो ।