काठमाडौँ – उत्तर कोरियाले दक्षिण कोरियाको चिप उपकरण बनाउने कम्पनीको सिस्टम ह्याक गरेको छ ।

प्योङयाङले आफ्नो हतियार कार्यक्रमहरूको लागि अर्धचालकहरू बनाउन खोजिरहेको बेला यो ह्याक गरिएको नेशनल इन्टेलिजेन्स सर्भिस (एनआइएस)ले जनाएको हाे ।

राष्ट्रपति युन सुक येओलले उत्तर कोरियाले आगामी चुनावमा हस्तक्षेप गर्न साइबर हमलाजस्ता उत्तेजक गतिविधि गर्न सक्ने चेतावनी दिएको एक महिनापछि यो घटना बाहिर आएको हो।

गत वर्ष पनि उत्तर कोरियाले राष्ट्रपति युनका सहयोगीको इमेल ह्याक गरेको थियो ।

‘हामी विश्वास गर्छौँ कि उत्तर कोरियाले प्रतिबन्धका कारण तिनीहरूलाई खरिद गर्न कठिनाइहरूको सामना गर्दा सम्भवतः आफ्नै सेमिकन्डक्टरहरू उत्पादन गर्ने तयारी गरिरहेको हुन सक्छ,’  एनआइएसले एक विज्ञप्तिमा भनेको छ । 

उसका अनुसार प्योङयाङको प्रयासहरू उपग्रह र मिसाइलहरू लगायतका हतियार कार्यक्रमहरूको लागि चिप्सको आवश्यकताबाट प्रेरित भएको देखिन्छ ।