काठमाडौं– बलात्कार तथा हत्या आरोपमा पक्राउ परेका लिटिल बुद्ध भनिने रामबहादुर बम्जनलाई लिन भन्दै पूर्व भूमिसुधार राज्यमन्त्री यशोदाकुमारी लामा केन्द्रीय अनुसन्धान ब्यूरो पुगेकी छिन् ।

तपस्वीको भेषमा अनुयायीको हत्या गरेको, बेपत्ता बनाएको र बलात्कार गरेको आरोप लागेका बम्जनलाई पाँच वर्षपछि प्रहरीले मङ्गलवार पक्राउ गरेर अनुसन्धान थालेको छ ।

यसैबीच बम्जन आफ्नो भगवान भएको भन्दै भगवानलाई हतकडी नलगाई आफ्नो जिम्मा लगाउन भन्दै पूर्वमन्त्री लामा केन्द्रीय अनुसन्धान ब्यूरो पुगेकी हुन् ।

पूर्व मन्त्री लामाले बम्जनलाई आफैले सर्लाही लैजाने चाहेको स्रोतले बतायो ।

बम्जनलाई केन्द्रीय अनुसन्धान ब्युरो सीआईबीको टोलीले मङ्गलवार बूढानीलकण्ठबाट पक्राउ गरेको थियो । प्रहरीले उनलाई सर्लाही लैजाने तयारी गरेको छ ।

प्रहरीले बम्जनको घरमा छापा मार्दा ३ करोड ३० लाख ७५ हजार रुपैयाँ बरामद गरेको छ। उनको घरबाट १५ वटा मोबाइल, ल्यापट र ३० वटाभन्दा बढी पेन ड्राइभ पनि बरामद भएको प्रहरीले जनाएको छ ।