काठमाडौँ – सांस्कृतिक नगरी काठमाडौँ संसारको उत्कृष्ट प्राकृतिक गन्तव्यका रूपमा घोषित भएको छ । यो घोषणा विश्व प्रसिद्ध ट्राभल वेबसाइट ‘ट्रिप एडभाइजर’ ले गरेको हो ।
ट्रिप एडभाइजरले १० उत्कृष्ट गन्तव्य, प्राकृतिक गन्तव्य, ट्रेन्डिङ गन्तव्य, सांस्कृतिक गन्तव्य, खाना गन्तव्य, हनिमुन गन्तव्य र दिगो गन्तव्य गरी सात वटा वर्ग छुट्टाएर सूची सार्वजनिक गरेको छ ।
जसअनुसार काठमाडौँ विश्वका उत्कृष्ट १० प्राकृतिक गन्तव्यमध्ये एक नम्बरमा र विश्वका उत्कृष्ट २५ गन्तव्यमध्ये २४औँ नम्बरमा परेको छ ।
विश्व प्रसिद्ध ट्राभल वेबसाइटमा काठमाडौँ उत्कृष्ट प्राकृतिक गन्तव्यको सूचीमा परेपछि नेपालको पर्यटन प्रवर्द्धनमा महत्त्वपूर्ण योगदान पुग्ने विश्वास छ ।
ट्रिप एडभाइजरले विश्वभर यात्रा सहजीकरण गर्दै बुकिङ, गन्तव्य छनोट र योजना बनाउन सहयोग गर्दै आएको छ ।
पर्यटन बोर्डको तथ्याङ्क अनुसार सन् २०२३ मा १० लाखभन्दा धेरै विदेशी पर्यटकले नेपाल भ्रमण गरेका छन् ।
यो खबर पढेर तपाईलाई कस्तो महसुस भयो ?
प्रतिक्रिया