काठमाडौँ– मलिका महत पछिल्लो समय युवापुस्तामाझ रुचाइएकी अभिनेत्री हुन् । फिल्म ‘यात्राः द म्युजिकल भ्लग’ बाट रजतपटमा पाइला टेकेकी मलिकाले ‘पानी फोटो’, ‘अगस्त्य’ लगायतका फिल्ममा काम गरिसकेकी छिन् ।

उनको अभिनय रहेको फिल्म ‘सतीदेवी’ प्रदर्शन हुन बाँकी छ । नाटक ‘पगला घोडा’ मा समेत अभिनय गरेकी मलिका म्युजिक भिडियोमा पनि उत्तिकै रुचाइने कलाकार हुन् । उनले अभिनय गरेको ‘फुलबुट्टे सारी’ निकै हिट भएको थियो ।