काठमाडौँ – माइक्रोसफ्टको एआई टुल कोपाइलट प्रो भर्सनमा सार्वजनिक भएको छ । यसअघि निःशुल्क रहेको कोपाइलटको यो भर्सनको शुल्क भने मासिक २० अमेरिकी डलर तोकिएको छ ।
माइक्रोसफ्टका अनुसार कोपाइलट प्रो माइक्रोसफ्ट ३६५ का ग्राहकका लागि उपयुक्त हुन्छ । उनीहरूले ३६५ एप्समा कोपाइलटलाई आफ्नो व्यक्तिगत प्रयोजनका लागि प्रयोग गर्न सक्छन् ।
यसको प्रयोग माइक्रोसफ्ट अफिस वर्ड, एक्सेल र पावरपोइन्टमा डकुमेन्ट ड्राफ्ट गर्न, इमेल समराइज गर्न, प्रिजेन्टेसन बनाउन लगायतका काम गर्न सकिने छ भने ड्याल ई–३ को सहयताले फोटो जनेरेट गर्न सक्ने छन् ।
कोपाइलट प्रोबाट प्रिमियम एआई फिचरको प्रयोग, माइक्रोसफ्ट ३६५ एप्समा प्रयोग र उच्चस्तरीय फोटो सिर्जना गर्न सकिने माइक्रोसफ्टले जनाएको छ ।
कम्पनीले यो टुल कहिलेदेखि खरिद गर्न सकिन्छ भन्ने विषयमा जानकारी दिइसकेको छैन ।
यो खबर पढेर तपाईलाई कस्तो महसुस भयो ?
प्रतिक्रिया