काठमाडौं – भारतमा उडिरहेको विमानको शौचालयमा एक यात्रु एक घण्टा थुनिन पुगेका छन्। भारतको मुम्बईबाट बेंगलुरुतर्फ उडिरहेको स्पाइस जेटको एक विमानको ट्‌वाइलेटभित्र एक जना यात्रु एक घण्टाभन्दा बढी थुनिएका हुन् ।

बीबीसीका अनुसार १०५ मिनेटको उक्त यात्राका क्रममा थुनिएका ती यात्रुलाई विमान अवतरण गरेपछि मात्र उद्धार गरिएको थियो। स्पाइस जेटले उक्त घटनामा क्षमायाचना गरेको छ।

थुनिएका यात्रुबारे भने कम्पनीले थप विवरण खुलाएको छैन। यात्रु थुनिएपछि क्रुमेम्बरले उनलाई आवश्यक सहयोग गरेको कम्पनीको भनाइ छ।