काठमाडौँ – चर्चित अमेरिकी र्‍यापर विज खलिफा लागुऔषधको मुद्दामा पक्राउ परेका छन् ।

  रोमानियामा शनिबार राति ‘बिच प्लिज फेस्टिभल’मा सांगीतिक प्रस्तुति दिँदै गर्दा गाँजा सेवन गरेपछि उनी पक्राउ परेका हुन् ।

अनलाइनमा पोस्ट गरिएको भिडियोमा खलिफालाई रोमानियाली प्रहरीले घेरेको र महोत्सव स्थलबाट बाहिर निकालिएको पनि देखिन्छ ।

‘रिपोर्टका अनुसार १० पटकको ग्रामी अवार्डको मनोनयनमा परेका विज खलिफा र अन्यलाई आइतबार बिहान सोधपुछका लागि हिरासतमा राखिएको थियो । 

रोमानियामा गाँजा राख्नेलाई १० वर्षसम्मको जेल सजाय हुन्छ । तर उनलाई अहिले रिहा गरिसकिएको छ ।