काठमाडौँ— स्मार्टफोनमा अन्य सेक्युरिटी फिचरलाई पछि पार्ने खालको एउटा नयाँ सिस्टम आएको छ ।

अब छिट्टै तपाईँले श्वास फेरेरै आफ्नो फोनलाई अनलक्ड गर्न सक्नुहुन्छ । भारतको चेन्नइस्थित इन्डियन इन्स्टिच्युट अफ टेक्नोलोजीका शोधकर्ताहरूले एक प्रयोग पश्चात् श्वास फेरेरै आफ्नो फोनलाई अनलक्ड गर्न सक्ने दाबी गरेका हुन । 

शोधकर्ताका अनुसार एयर प्रेसर सेन्सरका लागि सङ्कलित श्वासप्रश्वासका डेटाबाट यो प्रयोग गरिएको हो । 

उनीहरूले तयार पारेको सो एआई मोडेलले एक पटक कुनै पनि मानिसको श्वासको डेटा विश्लेषण गर्‍यो भने उक्त श्वास सम्बन्धित व्यक्तिको भए नभएको कुरा ९७ प्रतिशत सटिकताका साथ बताउने शोधकर्ता टोलीको दाबी छ । 

यस फिचरको लागी मानिसको नाक, मुख तथा गलाबाट श्वासभित्र जाँदा पैदा हुने कम्पन र त्यसको ढाँचालाई राम्रोसँग पहिचान गर्न सक्ने बताइएको छ ।

यसअघि स्मार्टफोनमा प्रयोग हुँदै आएका फेस अनलक तथा फिंगरप्रिन्ट जस्ता फिचर्सभन्दा यो फिचर अझै बलियो र कसैले तोडमरोड गर्न नसक्ने दाबी समेत गरिएको छ ।