काठमाडौँ– अभिनेता राजेश हमाल पछिल्लो समय फिल्ममा खासै देखिएका छैनन् । लामो समयदेखि फिल्मको पर्दामा नदेखिएका यी अभिनेताले बेलाबेलामा म्युजिक भिडियो र विज्ञापनमा भने काम गरिरहेका हुन्छन् ।

यसैबीच अभिनेता हमालले सामाजिक सञ्जाल फेसबूकमार्फत दुई गीतको भिडियो छायाङ्कनका तस्वीरहरु सार्वजनिक गरेका छन् ।

देवेन्द्र पाण्डेले निर्देशन गरेका भिडियोमा राजेश हमाललाई करिश्मा मानन्धरसँग देख्न सकिनेछ ।

हमालका फ्यानले लामो समयदेखि प्रतीक्षा गरेको भन्दै खुशी व्यक्त गरेका छन् । साथै हमालको पोस्टमा निर्देशक पाण्डेले लेखेका छन्, ‘आदरणीय महानाय दादासँग सहकार्य गर्ने अवसर मिल्यो, हजुरको महत्त्वपूर्ण समयका लागि हार्दिक आभार दादा हजुर ।’

हेर्नुहोस् तस्वीरहरुः