काठमाडौं – आज २०८० साल पुस १५ गते आइतबार तदनुसार सन् २०२३ डिसेम्बर ३१ तारिख। पुस कृष्ण पक्ष चतुर्थी तिथी । मघा नक्षत्र । आयुष्मान योग । तैतिल करण । ज्योतिषशास्त्रमा चन्द्रमा अनुसार दैनिक फलादेश हुन्छ। २७ नक्षत्रको आधारमा राशिको नाम निर्धारण गरिन्छ। नक्षत्र अनुसार १२ वटा राशि हुन्छन्। चन्द्रमा अनुसार राशि र नक्षत्रका पद अनुसार नाम राखिन्छ। त्यही आधारमा व्यक्तिको दैनिकीको विषयमा भविष्यवाणी गरिन्छ। ज्यो.प. सूर्यनाथ लुइँटेलले तयार पारेको आजको फलादेश :

मेष : दिन राम्रो छ। सोचेका काम बन्नेछन्। शिक्षा क्षेत्रमा गरेको लगानीबाट फाइदा हुनेछ। व्यापारमा कमाउने योग छ। वैदेशिक क्षेत्रमा लाभ हुनेछ। उत्तर तर्फको लामो यात्रा नगर्नु राम्रो हुन्छ। पारिवारिक र प्रेम सम्बन्ध सुमधुर बन्नेछ।

वृष : दिन राम्रो छ। शिक्षा र स्वास्थ्य क्षेत्रमा लाभ हुनेछ। नयाँ साथीसँग भेट हुँदा मन खुशी हुनेछ। आफूले गरेका कामको प्रशंसा हुने योग छ। परिवारमा खटपटी बढ्ने हुनसक्छ।

मिथुन : तपाईंका हरेक क्षेत्र सबल छन्। पुरानो इख बोक्ने मित्रले प्रहार गर्नसक्ने भएकाले चनाखो हुनुपर्ने छ। परिवार र प्रेम सम्बन्धमा उत्साह मिल्नेछ।

कर्कट : दिन सामान्य छ। राम्रो काम गरे पनि जस अरुले लिने देखिन्छ। अचानक धन प्राप्त हुने योग छ। परिवारमा भने विश्वासको अभाव हुनसक्छ। सकेसम्म पेय पदार्थबाट अलग रहनु राम्रो हुन्छ।

सिंह : दैनिकी राम्रो छ। बोलीको प्रभाव समाजमा रहने छ। शनिदेवको छाया परेकाले अन्य धेरै काममा अवरोध हुनसक्छ। पिपलको दर्शन गरेर कामको सुरुवात गरेमा दैनिकी सहज हुनेछ।

कन्या : यात्रा राम्रो छ। नाम, दाम र इनाम सबै अनुकुल छन्। नयाँ ठाउँको भ्रमण हुनेछ। पुराना साथीसँग भेट हुनेछ। पारिवारिक सम्बन्ध राम्रो छ।

तुला : दिन राम्रो छ। आर्थिक क्षेत्रमा फाइदा हुनेछ। सामाजिक र शैक्षिक क्षेत्रको लगानीबाट सफलता हात लाग्ने योग छ। राजनीतिमा मानसम्मान प्राप्त हुनसक्छ। परिवारबाट असहयोग हुने देखिन्छ।

वृश्चिक : दिन सामान्य छ। शिक्षाको क्षेत्रमा श्रमको उचित मूल्य प्राप्त नहुन सक्छ। वैदेशिक क्षेत्रमा गरेको लगानीबाट फाइदा हुनेछ। परिवारबाट सहयोग मिल्नेछ। प्रेम सम्बन्ध सफल हुनेछ।

धनु : दिन राम्रो छ। बौद्धिक क्षेत्रमा अब्बल रहने योग छ। आर्थिक, सामाजिक र वैदेशिक क्षेत्रमा अगाडि बढ्न बाधा देखिन्छ। हनुमानको चिन्तन गरेर अगाडि बढेमा समस्या समाधान हुनसक्छन्। परिवारमा मिलाप हुनेछ।

मकर : दिन सामान्य छ। सञ्चित धन खर्च हुने देखिन्छ। आफ्नो व्यवहारका कारण आफन्त टाढा हुने योग छ। व्यापारबाट राम्रो आम्दानी हुनेछ। परिवारमा खटपट आउने भएकाले धेरै बहस नगर्नु राम्रो हुन्छ।

कुम्भ : दिन राम्रो छैन। जतासुकै बाधा देखिन्छ। शनिदेवको छायाको योग रहेकाले जन्मकुण्डली अनुसार ३, ६ र ११ औं स्थानमा शनिको बास भए उन्नति र प्रगतिसमेत हुनसक्छ। परिवारसँगको सम्बन्ध राम्रो हुनेछ।

मीन : शिक्षा क्षेत्रको लगानीबाट उत्साह मिल्नेछ। शिक्षाको व्यापार भए फाइदा हुन्छ। जुनसुकै काम गरे पनि नयाँ ढंगले गर्नु राम्रो हुन्छ। काम गर्ने शैली परिवर्तन गरेमा उपलब्धि हात लाग्नेछ।