काठमाडौं – त्रिभुवन आर्मी क्लबले एपीएफ क्लबलाई पराजित गरेको छ । मंगलबार भैरहवामा सम्पन्न खेलमा आर्मीले एपीएफलाई ४ विकेटले पराजित गरेको हो ।

एपीएफले दिएको १२२ रनको लक्ष्य पछाएको आर्मीले २३.३ ओभरमा ६ विकेट गुमाएर पुरा गरेको थियो । यस अघि पहिला ब्याटिंग गरेको एपीएफले ३२.४ ओभरमा अलआउट हुदै १२१ रन बनाएको थियो ।

यो एपीएफको यस पीएम कपमा लगातार तेस्रो हार हो । एपीएफले ५ खेलमा ३ हार र २ जित हासिल गरेको छ । त्यस्तै आर्मीको भने यो पाँचौं खेलमा तेस्रो जित हो ।

अब आर्मीले बुधबार भैरहवामा नै लुम्बिनी प्रदेशसँग खेल्ने छ । त्यस्तै एपीएफले विहिबार लुम्बिनी प्रदेशसँग भैरहवामा नै खेल्ने छ ।