काठमाडौं – युरोपेली विमान निर्माता एयरबसले भारतीय समूह टाटासँग मिलेर भारतमा हेलिकप्टर एसेम्बली लाइन निर्माण गर्ने बताएको छ । उक्त सम्झौताको घोषणा शुक्रबार जनवरी २६ मा गणतन्त्र दिवस समारोहमा मुख्य अतिथिको रूपमा फ्रान्सका राष्ट्रपति इम्यानुएल म्याक्रोनको दुई दिवसीय भारत भ्रमणका क्रममा गरेका हुन् ।

‘राष्ट्र निर्माणका लागि हेलिकप्टर महत्वपूर्ण छ । एउटा ‘मेड-इन-इन्डिया’ सिभिल हेलिकप्टरले विश्वस्त नयाँ भारतको प्रतीक मात्र नभई देशको हेलिकप्टर बजारको वास्तविक सम्भावनालाई पनि अनलक गर्नेछ, ‘एयरबसका सीईओ गुइलाउम फौरीले भने। ‘

टाटा सन्सका अध्यक्ष एन चन्द्रशेखरनले भने, “निजी क्षेत्रमा भारतको पहिलो हेलिकप्टर एसेम्बली सुविधा स्थापना गर्न पाउँदा टाटा समूह खुसी छ। यस सुविधामा भारतीय र निर्यात बजारका लागि विश्वको सबैभन्दा बढी बिक्रि हुने एयरबस ज्ज्ञद्दछ एकल इन्जिन हेलिकप्टरको लागि एयरबससँगको साझेदारीमा अन्तिम एसेम्बली लाइन हुनेछ।

स्थापना गर्न दुई वर्ष लाग्ने उक्त सुविधा भारतमा कुनै पनि निजी समूहले सञ्चालन गर्ने पहिलो यस्तो अपरेसन हुने एयरबसले बताएको छ । यसले एच१२५ इक्युरियल हेलिकप्टरका प्रमुख घटकहरूलाई एसेम्बल र परीक्षण गर्नेछ र भारत तथा छिमेकी मुलुकहरूमा ग्राहकहरूलाई हेलिकप्टर प्रदान गर्नेछ ।

भारतमा हेलिकप्टर बनाउँदा मुलुकमा हेलिकप्टरको बजारको वास्तविक क्षमता थाहा हुने एयरबसका प्रमुख कार्यकारी गुइलाउम फौरीले बताए । एच१२५ हलुका नागरिक हेलिकप्टर हो र यसले छ जनासम्म ओसारपसार गर्न सक्नेछ ।

सन् २०२१ मा एयरबसले टाटासँग मिलेर पश्चिमी भारतीय राज्य गुजरातमा सि२९५ सैन्य यातायात विमानका लागि एसेम्बली लाइन स्थापना गर्ने निर्णय गरेको थियो । यस्तो समयमा फ्रान्सेली राष्ट्रपति म्याक्रोनले एसिया–प्रशान्तमा धेरैभन्दा धेरै फ्रान्सेली साझेदारीमा जोड दिएका छन् ।