काठमाडौँ– सन् २०२३ मा रिलिज भएका केही बलिउड चलचित्रले हिट हुनका लागि ठूलो बजेट हुनु आवश्यक छैन भन्ने प्रमाणित गरेका छन् ।
यो वर्ष धेरै फिल्म रिलिज भएका छन्, जसको लागत निकै कम थियो । तर फिल्मले निकै राम्रो व्यापार गर्यो । सन् २०२३ का कम बजेटका फिल्महरूले राम्रो प्रदर्शन गरेका थिए । तीमध्ये 12th फेल, जरा हटके-जरा बचके, फुक्रे-३, द केरला स्टोरी र ड्रीम गर्ल-२ समावेश छन्।
12th फेल
12th फेल भर्खरै रिलिज भएको हो । फिल्म बनाउन करिब २० करोड रुपैयाँ खर्च भएको थियो । फिल्म रिलिज भएदेखि नै दर्शकले निकै रुचाएका छन् । 12th फेलले हालसम्म ४९ करोड रुपैयाँ कमाएको छ ।
विधु विनोद चोपडाको फिल्मको कथा, अभिनय र निर्देशनको तारिफ भयो । फिल्ममा आईपीएस अफिसर मनोजकुमार शर्माको भूमिका निर्वाह गरेका अभिनेता विक्रान्त मेसीले 12th फेलले पनि ओस्कारका लागि स्वतन्त्र मनोनयन पाएको बताएका थिए ।
विक्रान्तले खेलेको भूमिकाले उनको निकै प्रशंसा भयो । विक्रान्त चाँडै विधु विनोद चोपडासँग नयाँ प्रोजेक्टमा देखिन सक्छन्।
जरा हटके-जरा बचके
सारा अली खान र विक्की कौशल स्टारर फिल्म जरा हटके जरा बचके जुन २ मा रिलिज भएको थियो । फिल्म बनाउन करिब ४० करोड रुपैयाँ खर्च भएको थियो ।
फिल्मले भारतमा कुल ८८.३५ करोड भारु कमाएको थियो। फिल्मलाई लक्ष्मण उतेकरले निर्देशन गरेका हुन् । यस फिल्ममा सारा र विक्कीको जोडीलाई दर्शकले मन पराएका छन् । हेर्ने हो भने फिल्मको बजेट निकै कम थियो तर फिल्मले बक्स अफिसमा राम्रो कलेक्सन गरेको थियो ।
ड्रीम गर्ल २
आयुष्मान खुराना र अनन्या पाण्डे स्टारर फिल्म ‘ड्रिम गर्ल–२’ ३५ करोडको बजेटमा बनेको थियो । फिल्मले भारतमा करिब १०४.५६ करोडको कुल कलेक्सन गरेको थियो । यी बाहेक फिल्ममा परेश रावल र अनु कपूर जस्ता कलाकार पनि देखिएका छन् । फिल्मलाई दर्शकले निकै रुचाएका थिए ।
फुक्रे–३
कमेडी फिल्म फुक्रे–३ यसै वर्षको सेप्टेम्बर ८ मा रिलिज भएको थियो । फुक्रे–३ बनाउन ८ करोड रुपैयाँ मात्र खर्च भएको थियो । फिल्मले भारतमा करिब ९६.६५ करोडको नेट कलेक्सन गरेको थियो । फिल्ममा पुलकित सम्राट, वरुण शर्मा, पंकज त्रिपाठी, मनजोत सिंह र ऋचा चड्डाको अभिनय रहेको छ ।फिल्ममा कुनै पनि भल्गर कमेडी प्रयोग गरिएको छैन, तर पनि फिल्मले मानिसलाई हँसाउन सफल भएको छ ।
द केरला स्टोरी
अदा शर्मा स्टारर फिल्म ‘द केरला स्टोरी’ बनाउन १५ देखि २० करोड रुपैयाँ खर्च भएको थियो । फिल्मले भारतमा कुल २४२ करोड भारु कमाएको थियो ।
यो खबर पढेर तपाईलाई कस्तो महसुस भयो ?
प्रतिक्रिया