काठमाडाैँ- साहित्यकार राधेश्याम लेकाली ‘गुन्जन साहित्य पुरस्कार २०८०’ बाट सम्मानित भएका छन् ।

गुञ्जन (नारी साहित्यिक संस्था)ले आइतबार गरेकाे एक समाराेहमा गुञ्जन (नारी साहित्यिक संस्था)की अध्यक्ष साहित्यकार जलेश्वरी श्रेष्ठ, साहित्यकार एल बी क्षेत्री, वरिष्ठ कवि द्वारिका श्रेष्ठ र वरिष्ठ सर्जक नरेन्द्रबहादुर श्रेष्ठ लगायतकाले लेकालीलाई उक्त पुरस्कार प्रदान गरेका हुन् ।

उनलाई दश हजार रुपैयाँ राशीसहित सो सम्मान प्रदान गरिएकाे थियाे । कार्यक्रममा प्रमुख अतिथि साहित्यकार क्षेत्रीले लेकालीलाई शुभकामना दिँदै नारीवाद विषयमा आफ्नो धारणा राखेका थिए।

संस्थाकी महासचिव सुस्मिता नेपालले सञ्चालन गर्नु भएको सो कार्यक्रममा साहित्यकारहरुको बाक्लो उपस्थिति रहेको थियो