काठमाडौँ– सरकारले नेपालमा चल्ने सामाजिक सञ्जालहरूलाई निर्देशिका नै जारी गरी दर्ता गर्नुपर्ने प्रावधान ल्याएको छ ।
यो सँगै मेसेजिङ्ग एप स्न्यापच्याटले पनि नेपालमा सूचीकृत हुन चासो व्यक्त गरेको छ ।
सञ्चार तथा सूचना प्रविधि मन्त्रालयका अनुसार स्न्यापच्याटबाहेक पनि अन्य सामाजिक सञ्जाल प्लेटफर्महरूले पनि नेपालमा सूचीकृत हुन चासो व्यक्त गरेका छन् ।
हालसम्म कुनै पनि सामाजिक सञ्जाल प्लेटफर्म मन्त्रालयमा सूचीकृत भने भइसकेका छैनन्।
सामाजिक सञ्जालको प्रयोगलाई व्यवस्थित गर्न सरकारले केही समय अघि ‘सामाजिक सञ्जाल सञ्चालन निर्देशिका,२०८०’ जारी गरेको थियो ।
जसमा नेपालमा सञ्चालनमा रहेका सामाजिक सञ्जाल मन्त्रालयमा सूचीकरण हुनु पर्ने प्रावधान छ ।
निर्देशिका अनुसार नेपालमा सञ्जालमा रहेका सामाजिक सञ्जालहरू फागुन ११ गते भित्र मन्त्रालयमा सूचीकृत भइसक्नु पर्नेछ ।
यो खबर पढेर तपाईलाई कस्तो महसुस भयो ?
प्रतिक्रिया