काठमाडौँ- सरकारले सगरमाथा आरोहणको अनुमति शुल्क बढाउने भएको छ ।

विदेशीहरूको लागि आरोहण शुल्क ११ हजार अमेरिकी डलरबाट बढाएर १५ हजार डलर पुर्‍याउन लागिएको छ, जुन ३६ प्रतिशत बढी हो ।

संस्कृति, पर्यटन तथा नागरिक उड्डयन मन्त्रालयका अधिकृत माधव अधिकारीले सिन्ह्वासँगको कुराकानीमा भने, “नयाँ दर आगामी सेप्टेम्बर १, २०२५ देखि लागू हुनेछ तर यो वसन्तमा सगरमाथा चढ्न चाहनेहरूले बढि शुल्क तिर्नु पर्दैन ।”

नेपाली आरोहीका लागि शुल्क ७५,००० नेपाली रुपैयाँ (लगभग ५४५० अमेरिकी डलर) बाट दोब्बर भएर १,५०,००० रुपैयाँ लगभग (१,०९० डलर) पुगेको छ । पछिल्लो पटक जनवरी १, २०१५ मा पर्वतारोहण अनुमति शुल्क परिमार्जन गरिएको थियो ।