काठमाडौँ। चिया नेपाली समाजको दैनन्दिन जीवनशैलीको अभिन्न हिस्सा हो। बिहान उठ्नेबित्तिकैदेखि अफिस, घर, पाहुना सत्कारसम्म चियाले मुख्य भूमिका खेल्छ। तर, चिया अत्याधिक (excessive) मात्रामा सेवन गर्नु स्वास्थ्यका लागि हानिकारक हुन सक्छ। यदि तपाईं दिनमा ४–५ कपभन्दा बढी चिया पिउनुहुन्छ भने यी कुरामा विशेष ध्यान दिनुहोस्:

एसिडिटी र ग्यासको समस्या
चियामा हुने क्याफिन (caffeine) ले पेटमा एसिडको मात्रा बढाउँछ। यसले गर्दा पेट दुख्ने, ग्यास, अपच, वा जलन हुने सम्भावना बढ्छ।समाधान: चिया खाली पेट नपिउनुहोस्। चियामा दूध वा मसला कम गर्नुहोस्।

निन्द्रामा असर
क्याफिनले निद्रा बिगार्ने काम गर्छ। अत्याधिक चिया पिउँदा राति निन्द्रा नलाग्ने वा गहिरो निन्द्रा नआउने समस्या हुन्छ। समाधान: बेलुकीपख वा राति चिया पिउनु बन्द गर्नुहोस्।

आइरनको कमी
चियामा हुने ट्यानिन भन्ने तत्वले शरीरमा आइरनको अवशोषण घटाउँछ। विशेष गरी शाकाहारीहरूमा यसले रक्तअल्पता को जोखिम बढाउँछ।

दाँतको रंग र स्वास्थ्य
चियाले दाँत पहेँलो बनाउँछ र लामो समयसम्म धेरै चिया पिउँदा दाँतमा प्लाक जम्ने सम्भावना हुन्छ।
समाधान: चिया पिएपछि मुख धुने वा ब्रस गर्ने बानी बसाल्नुहोस्।

नशा र निर्भरता
चियाको अत्याधिक सेवनले क्याफिन डिपेन्डेन्स बढाउँछ, जसले गर्दा नपिउँदा टाउको दुख्ने, चिडचिडापन, थकान हुने आदि लक्षण देखिन सक्छन्। समाधान: बिस्तारै मात्रा घटाउने अभ्यास गर्नुहोस्। कहिलेकाहीँ हर्बल टि, तुलसी चिया, वा अदुवाले विकल्प खोज्न सकिन्छ।