काठमाडौँ- महिला टी–२० विश्वकप एसिया छनोटको सुपर–३ अन्तर्गत पहिलो खेलमा नेपालले युएईसँग जितका लागि ११५ रनको लक्ष्य पाएको छ।

थाइल्यान्डको बैंककस्थित ट्रेडथाई क्रिकेट मैदानमा टस जितेर फिल्डिङ रोजेको नेपाललाई युएईले निर्धारित २० ओभरमा ७ विकेट गुमाउँदै ११४ रनको लक्ष्य दिएको हो।

युएईका कप्तान इसा ओजाले सर्वाधिक ३९ रन बनाइन्। त्रिथा सतिसले २१, हिना होट्चान्दानीले २० र लावन्या केनीले १२ रन जोडिन्। नेपालका लागि मनिषा कुमारी उपाध्यायले ४ विकेट लिइन् भने कविता कुँवरले २ र राजमती ऐरीले १ विकेट हात पारिन्।