काठमाडौं- क्यानाडाविरुद्धको एक दिवसीय सिरिजअन्तर्गत तेस्रो खेलमा नेपालले टस जितेको छ ।

कीर्तिपुरस्थित टीयू अन्तर्राष्ट्रिय क्रिकेट मैदानमा जारी खेलमा नेपालका कप्तान रोहित पौडेलले टस जितेर पहिले फिल्डिङ गर्ने निर्णय गरेका हुन् ।

तीन खेलको सिरिज नेपालले यसअघि नै २–० ले जितिसकेको छ । पहिलो खेलमा ७ रनको जित निकालेको नेपालले दोस्रो खेलमा क्यानाडालाई ४ विकेटले पराजित गरेको थियो ।