काठमाडौं – फिल्म फाइटरबाट फ्यानलाई मनोरञ्जन दिने बलिउड अभिनेता ऋतिक रोशनको बारेमा एउटा ठूलो खबर बाहिर आएको छ । तेसो त ऋतिकलाई बलिउड इन्डस्ट्रीमा सबैभन्दा फिट अभिनेतामध्ये एक मानिन्छन् ।

तर, यतिबेला बाहिर आएको खबरले उनका फ्यानहरुलाई निराश तुल्याउन सक्छ । ऋतिकले आफ्नो एउटा नयाँ तस्विर सामाजिक सञ्जालमा शेयर गरेका छन् जसमा उनी बैशाखीको सहारा लिएर उभिएको देखिन्छ । यससँगै, अभिनेताले आफ्नो आन्तरिक चोटको बारेमा एक ठूलो अपडेट शेयर गरेका छन् ।

अहिले ऋतिक रोशन फिल्म फाइटर मार्फत दर्शकलाई हलमा मनोरञ्जन दिइरहेका छन् । तर वास्तविक जीवनमा उनी निकै पीडाबाट गुज्रिरहेका छन् । वास्तवमा, भ्यालेन्टाइन डेको अवसरमा ऋतिकले आफ्नो आधिकारिक इन्स्टाग्राम ह्यान्डलमा नयाँ तस्विर सेयर गरेका छन् । यो तस्बिरमा ऋतिक बैसाखीको सहारा लिएर उभिएको देखिन्छ । यससँगै अभिनेताले मांसपेशीमा तनावका कारण आफूलाई धेरै पीडा भइरहेको र राम्ररी उभिनसमेत नसकेको जानकारी दिएका छन् ।

यसबाहेक फोटोको क्याप्सनमा फाइटर अभिनेताले लेखेका छन्– बाल्यकालमा एकपटक मेरो हजुरबुवा एयरपोर्टमा हुनुहुन्थ्यो, त्यो बेला घाइते हुनुहुन्थ्यो । उसलाई ह्वीलचेयरमा बस्न भनियो, तर दुखाइ विरुद्धको आफ्नो कडा मानसिकतालाई उद्धृत गर्दै उनले अस्वीकार गरे। यो एक सिपाही मानसिकता हो, जसले तपाईंलाई पीडामा मानसिक रूपमा बलियो बनाउँछ।

चोटको पीडा कम गर्न मद्दत गर्दछ। मेरो बुबा पनि त्यही विचारधाराका हुनुहुन्छ, तर यो क्षणमा म जे महसुस गरिरहेको छु त्यो साँच्चै पीडादायी छ। तर म पनि यही विश्वासका साथ उठेको छु र बैसाखी र मानसिक बलको सहाराले पीडासँग लड्ने प्रयास गरिरहेको छु ।

ऋतिकको फिल्म ‘फाइटर’ अहिले पनि हलमा रिलिज भइरहेको छ । विश्वभर ३०० करोडभन्दा बढीको व्यापार गरेको अभिनेताको यो फिल्मले बक्स अफिसमा करिब २०० करोडको उत्कृष्ट कलेक्सन गरेको छ ।