काठमाडौँ- आईसीसी विश्वकप लिग-२ अन्तर्गत नेपालले आज नामिबियासँग प्रतिस्पर्धा गर्दैछ ।

किर्तिपुरस्थित टीयू क्रिकेट मैदानमा हुने खेल बिहान साढे ९ बजेदेखि शुरु हुनेछ ।

लिग-२ को जारी त्रिकोणीय सिरिजमा सहभागी तिनै देशले आफ्ना २-२ खेलमा एक एक खेल जितेका छन् । सिरिजको पहिलो खेलमा नेपालले नामिबियासँग ४ विकेटको हार ब्यहोरेको थियो ।

त्यसपछि नेपालले नेदरल्याण्डसमाथि शानदार जित हासिल गर्दै सिरिजमा पुनरागमन गरेको थियो । त्यस्तै नामिबिया भने आफ्नो दोस्रो खेलमा नेदरल्याण्डससँग पराजित भएको थियो ।