काठमाडौँ– ‘केजीएफ’ र ‘केजीएफ २’ अभिनेता यश अब खलनायकको भूमिकामा देखिने भएका छन् ।

रणवीर कपुर र साई पल्लवीको स्टारर फिल्म ‘रामायण’मा उनी रावणको भूमिकामा देखिने भारतीय सञ्चारमाध्यमले जनाएका छन् ।

खबरका अनुसार ‘रामायण’ लाई ‘दंगल’ जस्तो हिट फिल्म बनाएका नितेश तिवारीले निर्देशन गर्नेछन् ।

यशले यो भूमिकाका लागि १ सय ५० करोड भारतीय रुपैयाँ पारिश्रमिक लिएका भारतीय मिडियाको दाबी छ । जुन हिन्दी फिल्मको इतिहासमा खलनायकले लिएको अहिलेसम्मकै उच्च पारिश्रमिक हो ।

यश यतिबेला भने उनको ब्लकबस्टर फिल्म सिरिज ‘केजीएफ ३’ को छायांकनमा व्यस्त छन् ।